अरे बापरे….! गेल्या २४ तासांत, ३४,९५६ प्रकरणे आढळली तर, भारताची संख्या तब्बल १० लाखांवर पोहचली ( corona update in india 10 lakah classes )

नवी दिल्ली : गेल्या चार दिवसांत भारतातील कोरोनाव्हायरसच्या आजाराच्या संसर्गामध्ये १० टक्क्यांची वाढ झाली आहे. महाराष्ट्र आणि तामिळनाडू सक्रिय राज्यांच्या बाबतीत सर्वात जास्त कोरोना बाधित राज्ये आहेत, तर कर्नाटक आणि बिहारसारख्या इतर राज्यांमध्येही आता दररोजच्या घटनांमध्ये मोठी वाढ दिसून येत आहे. अनेक राज्यांनी प्राणघातक विषाणूचा संसर्ग दर रोखण्यासाठी आंशिक व संपूर्ण लॉकडाऊन जाहीर केले आहेत. कोविड -१ पासून सर्वाधिक प्रभावित देशांच्या यादीत भारत सध्या तिसर्‍या क्रमांकावर आहे. देशात कोरोना रुग्णांची संख्या १० लाखांवर पोहोचली आहे. एका दिवसांत रूग्णसंख्येने उच्चांक गाठला असून, २४ तासांत ही संख्या ३४ हजार ९५६ वर पोहोचली आहे. तर ६८७ जणांचा मृत्यू आहे. हा मृतांचा आकडा एका दिवसांतील सर्वांधिक आकडा आहे.

देशातील एकूण पॉझिटिव्ह रुग्णांची संख्या १० लाख ३ हजार ८३२ वर पोहोचली आहे. तर अॅक्टिव्ह रुग्णांची संख्या ३ लाख ४२ हजार ४३७ इतकी आहे. तसेच ६ लाख ३५ हजार ७५७ जण कोरोनामुक्त झाले आहेत, अशी माहिती आरोग्य आणि कुटुंब कल्याण मंत्रालयाने दिली आहे. काही राज्यात काही जिल्ह्यात १० दिवसांची संचारबंदी केली आहे तर इकडे १० लाखांवरच संख्या येऊ ठेपली आहे. या संचारबंदीत संख्या आटोक्यात येईल का ?